Pfizer a anuncia cu e investigacionnan di su vacuna Covid-19 den mucha ta indica un eficacia di 100 porciento den e edad di 12 pa 15 aña. E compania a bisa cu tur 18 caso di covid-19 entre e 2260 participantenan den e prueba ta den e grupo placebo, sin niun caso entre esunnan cu a haya e vacuna. “E resultadonan inicial cu nos a mira den e estudionanan den e adolescentenan ta sugeri, cu e muchanan ta particularmente bon protegi pa e vacunacion, cual ta hopi alentador”, Ugur Sahin, director ehecutivo y cofundado di BioNTech, socio di Pfizer, a informa den un comunicado. “Ta hopi importante pa permiti pa bolbe na e bida escolar diario y topa cu amigo- y famianan mientras ta proteha anan y nan sernan keri”, Sahin a bisa.

E resultadonan di e investigacionnan ainda no a ser revisa pa un grupo di experto of publica, pero manera esaki ta completamente cla of cu ricibi e data directo for di e companianan, lo habri e caminda pa extende e vacunacion pa e grupo di edad aki, segun a ser informa den un comunicado pa Peter English, ex-presidente di e comision di salud publico di British Medical Association. “Ta importante pa haci esaki pa logra e ‘herd immunity”. English a bisa cu ta keda e preguntanan clave riba e resultadonan di Pfizer, manera si e vacuna a proteha tambe e muchanan contra infeccion asintomatico y con efectivo e tabata contra e variantenan di coronavirus.

Pfizer y BioNTech ta planea pa manda e datonan pa US Food and Drug como un ‘proposed amendment’ na e autorisacion existente di e uzo den emergencia di e vacuna, cu actualmente solamente ta ser aplica den personanan mayor di 16 aña. Ta realisando e pruebanan tambe di e vacuna covid-19 cu Oxford/AstraZeneca, y Moderna a bisa cu tin planea pa test e vacuna Covid-19 cu e muchanan di 12 pa 17 aña.

Fuente: NewScientist

LEAVE A REPLY

Please enter your comment!
Please enter your name here