Durante añanan tabatin hopi speculacion riba e identidad di e guy di e strea pop Dominicana, e reggaetonera Natti Natasha. Entre e rumornan cu ta Rob Kardashian, Don Omar of incluso Anuel AA, ta e pareha di e cantante di 34 aña, e red di entrenimento, Hollywood, cu ta gusta fabrica redo pa por bende, a traha oranan extra pa por identifica e persona special di Natti. Sinembargo un anuncio dia 1 di februari a aclaria tur duda. Natti Natasha (nomber real: Natalia Alexandra Gutiérrez Batista) a revela cu e ta comprometi cu su Manager, Raphy Pina, cu ta presidente di Pina Records. Cu ademas di representa Natti Natasha, e ta maneha tambe e artistanan manera: Plan B, R.K.M. & Ken-Y y Daddy Yankee.
Natti Natasha ta revela e sexo di su baby y e ta bay ta mama di un yiu muhe. E pareha a celebra diasabra 3 di april atardi, un baby shower hunto cu nan famia y amigonan na nan cas na Miami, cual nan a comparti virtualmente cu nan fanaticonan rond di mundo, a traves di un video live riba e Instagram di e cantante. Den un entrevista cu e revista People En Español, Natti Natasha a conta di su lucha pa keda embarasa despues di varios diagnostico decepcionante. Despues di varios intento sin exito, y net cu e pareha tabata encontra den un split emocional, e dokter a duna nan e noticia cu nan tin un baby na caminda.
