Reina Máxima a keda sin su hofdame di confiansa, Lady Lieke Gaalandt van Voort van Beest, cu desde 1 di mei, despues di 28 aña di servicio y considera como un personahe hopi importante p’e reina, y sin su secretaria priva Gabriella Sancisi. Hofdame Gaarlandt tabata e persona encarga pa a prepara Máxima Zorregueita pa su bida nobo na Hulanda y den e famia real hulandes. Lady Lieke a ser contrata na 1993 pa e tempo ey reina Beatrix, pa desempeña como maestra di frances, pero na 2013 ora Willem-Alexander a bira rey, el a nombre asistente principal di Reina Máxima.
E momento a yega pa Lady Lieke cu tin actualmente 74 aña di edad pa retira pa descansa. No ta e hofdame di Reina Máxima so ta e unico cu ta bay lage, pero tambe Gabriella Sancisi, ken a traha como su secretaria priva desde 2014. Gabriella a ser designa pa Minister van Buitenlandse Zaken, Stef Blok, como embahadora hulandes na Slovakia. Ademas di a converti den e sombra y confidente di Reina Máxima, el a hunga un rol importante tambe den su trabou pa United Nations.
E complicidad entre Gabriella y Máxima a bira visibel publicamente ora cu na october 2019, NTR a transmiti un documentario di Máxima haciendo referencia directamente na su cargo como defensora special di Secretario General den Financiacion pa Desaroyo di United Nations (UNSGSA). E ekipo di grabacion cu tabata cu Sancisi 24 ora, a graba momento cu Máxima a pidie pose cu ne pa saca un selfie pa e manda pa su mama.
