No tur cuminda ta traha mescos. Cierto cumindanan tin hopi caloria y volumen chikito, mientras otronan tin poco caloria y bo por come cantidadnan grandi di dje. Ora bo ta focus riba alimento cu no tin hopi caloria, e ta laga bo come un cantidad mas grandi di cuminda sin hopi caloria. Esaki por tin hopi beneficio pa bo salud, incluyendo e aumento di nutriente y perdida di peso. Tin tres cuminda cu ta categorisa como ‘Low-Calorie’.
1. ‘Airpopped Popcorn’
Danki na su contenido halto di fibra, popcorn ta un snack cu ta yena bo y ta abou den caloria. Un cup di ‘airpopped popcorn’ tin 31 caloria so y e tin 1.2 gram di fibra. Popcorn ta un snack cu por reduci bo apetit y pone bo sinti satisfecho door cu bo por come un cantidad grandi di dje.
2. Avena
Avena por ta un adicion excelente na un dieet saludabel ora di baha di peso. E ta abou den caloria y tambe hopi rico den proteina y fibra, cu ta laga bo sinti yen y satisfecho. Un porcion di avena di ½ cup tin 148 caloria so, y e ta contene 5.5 gram di proteina y 3.8 gram di fibra.
3. Batata
Ora bo pensa di un cuminda cu ta ‘low calorie’, un batata no ta e prome cos cu ta bin na bo mente. Esaki por pasa door di e asocacion cu batata tin cu ‘french fries’ y chips, cu ta halto den contenido di vet. E berdad ta cu batata por bira parti di un dieet saludabel y nutritivo. Un batata mediano cu e casca tin 161 caloria y tambe 4 gram di proteina y 4 gram di fibra.
