Rayshantaly Coffie a tuma e decision pa participa na Miss Tourism Bonaire, pa motibo cu semper e tabata gusta modelahe y e cosnan cu tin di haber cu beyesa. Sinembargo e motibo di mas importante p’e tabata, cu e ta un hende cu ta stima y balora su cultura. Esaki a inspire, paso Rayshantaly tabata kier sa mas di su dushi isla su turismo, y pa e por bira un embahadora cu ta conta e turistanan tur locual cu Boneiro tin pa ofrece.
Ser Miss Tourism Bonaire 2019 ta nifica cu Rayshantaly ta un embahadora di Boneiro. Como un embahadora e mester percura di bende y propaganda su isla Boneiro na e miho manera posibel. Esaki Rayshantaly a haci cu hopi placer durante su reinado. E ta describi su reinado como algo inolvidabel y hopi dushi. Lesa e entrevista cu Rayshantaly Coffie den edicion di FOCUS Digital Magazine di e luna aki, cu ta acesibel via Apple Store of Android Google Play Store, cu por download e aplicacion riba un smartphone of tablet.
