Miss Universe Cambodia Sarita Reth 
Miss Universe Barbados Hillary-Ann Williams
Varios di e candidatanan cu a participa na e certamen di Miss Universo e aña aki, a papia tocante e tema di Bullying. Pa ta mas specifico ‘cyberbullying’. Miss Universe Cambodia a conta con el a wordo bisa, cu door di su estatura hamas lo e por tin e oportunidad di gana e corona. Miss Universe Barbados nan tabata bis’e, cu e no tin ‘look Barbadian enough’. Otro missnan a wordo critica pa nan forma di bisti, textura di cabey, nan peso y edad. Tin a bay asina leu di bully un miss cu tin dyslexia.
Miss Universe 2019, Zozibini Tunzi, di South Africa ta comenta cu el a ricibi varios mensahe di odio contra su color di piel. “E ta haci mi dolor y e ta mustra mi cuanto trabou mi tin di haci”, e reina universal di aña 2019 a comenta. Candidatanan ta urgi pa nos comparti nos amor y empatia, y scoge pa pone nos energia den accionnan cu tin impacto positivo.
YARIMAR MÉNDEZ TA UNI SU MES NA E ACCION AKI
Bullying den ningun forma ta aceptabel. E impacto cu esaki por tin riba un persona por ta grandi y desastroso. Nos conoce e casonan unda e persona a pone fin na su bida door di bullying. Por bay asina leu te hasta cu un persona cu a wordo tenta, por perde cabes y comete e actonan manera ‘high school shootings’ na Merca, unda hopi hoben inocente a perde nan bida. Laga nos ta mas consciente riba nos palabranan y laga nos uza nos stem pa crea impacto positivo, uza nos stem pa inspira, uza nos stem pa esun cu no tine. “Na tur persona cu por ta sufriendo di bullying, halsa bo stem y busca apoyo. Na tur mi ‘pageant sisters’, corda cu boso tur ta bunita, y nos tur tin nos propio luz pa briya cu ne. Ban uza nos plataforma pa crea e mensahenan positivo”: esaki ta e mensahe cu Yarimar Méndez, Miss Youth Districto 13 by Ger Gift Store, ta desea di comparti cu Aruba.
#stopbullying #missyoutharuba #missyoutharubadistricto13
