Britney Spears a haci un denuncia e siman aki, a traves di su propio testimonio hudicial, e situacion cu el a wordo somete cu a marca e ultimo 13 añanan di su bida: tur esaki causa pa e parti economico y legal cu principalmente su tata, Jamie Spears, a eherce riba dje. E interprete ta haci su tata responsabel pa hopi caso di depresion profundo cu el a cay den dje, door di haya su mes prohibi di su libertad momento cu e mester maneha su asuntonan mas personal.
De e forma aki, e artista pop a confirma hopi di e teorianan di e movimento #FreeBritney desde ya mas di dos aña, cu e ‘encarcelacion’ sutil y disimula di e diva. Durante henter e periodo ey, incluyendo e lockdown door di e yegada di coronavirus, Britney a trata di pone bon cara den mal tempo, vooral pa no mustra ningun debilidad dilanti di su fans, cu video y mensahenan di Instagram, cu tabata resalta un optimismo excesivo, cu tabata resulta bastante sospechoso. Awo e artista kier a disculpa cu tur su admiradornan den e esfera virtual, precisamente pa trata di tapa henter e sufrimento cu e tabata sufri tras di e portanan cera den cuatro muraya.
