E popstar Britney Spears a bay un biaha mas riba Instagram pa comparti su emocionnan cu su siguidonan. Ultimo tempo el a sali varios biaha pa contraataca y defende su mes contra di su tata, cu tin e control riba su bida. Siman pasa den un post furioso el a skrirbi: ‘I quit!’, cu e lo stop di haci e presentacionnan live y a critica su tata. Den su rabia el a skirbi cu e no lo presenta riba niun escenario por lo pronto, mientras cu ta su tata ta maneha loke e ta uza, haci of pensa. En cambio el a bisa cu e lo comparti su propio videonan di baile, for di su sala di cas na luga di ta riba un escenario na Las Vegas.
Spears cu a bira famoso den su añanan como un teenager, a sufri un ‘breakdown’ hopi publico na 2007, ora e strea cu su cabes feita, a ataca e auto di un paparazzi na un gas station. E aña siguiente, un tribunal di California a pone legalmente bou voogdij unico goberna den gran pa su tata. Spears a bolbe rapidamente cu su presentacionnan despues di esey, el a lansa tres album, el a aparece den varios programa di television y incluso a residencia na Las Vegas, cu el a referi na dje den un post riba Instagram.
Un di e ultimo postnan riba Instagram di Britney ta unda e ta sali den un short di jeans y tin su pechonan tapa cu su mannan. El a ricibi riba 80.000 comments cu ta entre esnan cu mas reaccion, despues di esun di siman pasa, unda el a skirbi cu e ta ‘quit’, cu a casi a yega 141.000 comentario, mientras e likes ta surpasa 2 miyon. E potret di Britney bisti solamente cu su short di jeans a wordo publica riba varios red social di entretenimento, cu a crea varios comentario no asina positivo pa e artista.
