Chanique Rabe di Namibia a keda corona como Miss Supranational 2021 den e certamen organisa na Amphitheater Strzelecki Park na Malopolska, Polonia. Rabe ta e prome miss africano cu ta gana e titulo despues di a vence 57 aspirante di rond mundo. E certamen internacional tabata programa originalmente pa organisa su 12 edicion fin di aña pasa, pero e pandemia di COVID-19 no a duna e organisadornan otro opcion cu pospone e competencia, extendiendo e reinado di e reina Anntonia Porsild di 2019 pa casi un aña.
E aña aki e certamen a lansa un campaña nobo, celebrando e damanan como ‘ambicioso’ y ‘inspirador’. Karla Acevedo di Puerto Rico a keda nombra como e Prome Finalista, mientras cu e puesto di Segundo Finalista a bay pa Thato Mosehle di South Africa. Valentina Sanchez di Venezuela a haya e titulo como di tres finalista y Eoanna Constanza di Republica Dominicana a cera e circulo di e ganadornan como di cuater finalista.
