![](https://focus.aw/wp-content/uploads/2021/08/expo-ivm-Koninkrijk-1024x768.jpg)
Gustave Nouel, cu formacion artistico post-academico, pa su potretnan a haya hopi experencia practico riba e plasa- y cayanan di diferente pais. Hunto cu artista di henter mundo cu ta practica universalmente riba e plasanan, el a haci hopi hende contento cu sketch of ‘speedpainting’. Danki na e experencia aki e Hulandes Caribeño di Aruba, a desaroya un curso special y awo e por comparti e ‘secretonan’ y arte di e artistanan universal, cu e hendenan interesa! Un metodo facil pero hopi efectivo, por laga soño bira realidad, di cualkier persona cu kier por sketch y/of pinta potret bunita. Despues di e curso di ‘sketch potret’ no por a cuminsa bon pa mas di un aña, debi na e crisis di Covid-19. Na september e cursonan di potret pa tur nivel finalmente lo cuminsa na ‘Kunstcircuit’, e principal centro di Arte den region. (www.kunstcircuit.nl). Aki e participantenan lo tin guia directo y personal di Gustave Nouel, cada un riba nan mes nivel, pa por probecha maximalmente di e curso. E principantenan lo por hasta crea portret bunita despues di 12 les, cu e base universal y simpel di e artistanan universal, cu ta pinta riba caya.
![](https://focus.aw/wp-content/uploads/2021/08/Kunstcircuit-cursus-724x1024.jpg)
![](https://focus.aw/wp-content/uploads/2021/08/workshop-gevorderden-1024x768.jpg)
![](https://focus.aw/wp-content/uploads/2021/08/Moederschap-Maternidad-Maternity-1024x940.jpg)
E Museo Terramar a invita Zuleika Coffie y Gustave Nouel pa un proyecto di arte na augustus di 2021 pa diferente isla Caribeño den nos Reino, cu debi na cierto circunstancianan lastimamente no por a sigui. Presentacion di e buki MATERNIDAD (https://lmpublishers.nl/product/moederschap/), con pintura y texto, inspira pa e embaraso y maternidad di e modelo y actriz Zuleika Coffie, den e cuater lenga mas papia na Aruba, lo tabata un culminacion. MATERNIDAD no ta unicamente un buki cuatrilingual cu un oda na maternidad universal, sino tambe e aspiracion (y soño) pa yuda crea un brug nobo entre e parti Europeo y e partinan den Caribe di Reino Hulandes, (y si ta posibel hasta cu resto di mundo!)den e sentido artistico di e palabra.
![](https://focus.aw/wp-content/uploads/2021/08/workshop-beginners1.jpg)
![](https://focus.aw/wp-content/uploads/2021/08/POSTER-zomeraanzee-728x1024.jpg)
Directora di Museo Terramar, Jude Finies, a tuma un ‘pauze’ y ta investigando posibilidad pa un colaboracion structural cu sector cultural na Aruba, Corsou y Sint Maarten. No solamente pa e proyecto interdisciplinario artistico/social aki, cu presentacion di buki, exposicion, workshops, modeshow y hopi mas, sino tambe pa otro proyectonan cultural den Reino of region Caribeño den futuro. Nacemento di algo nobo?… Awo cu Gustave, e conocido specialista den portret y pintura di Caribe, ya no lo ta den Caribe e ultimo siman di augustus, pa e proyecto similar di Museo Terramar, (un tiki mas chikito), e lo por participa hunto cu su cursistanan na e proyecto: ‘VAKANTIE NA LAMAN’. Tras di escena, Gustave Nouel tabata yuda coördina 0pa fin di augustus participacion di su cursistanan, como ‘straattekenaars’ den e proyecto di Kunstcircuit, hunto cu de Bibliotheek Deventer, gemeente Deventer, Deventer Cultuur Club, Stichting Jordenshofje y stichting Wesseling van Breemen. ‘VAKANTIE NA LAMAN’ ta un proyecto artistico/social, na varios residencia di anciano na Deventer. Desde fin di 2019, tambe tabatin plan pa realisa intercambio cultural cu e partinan di Reino den Caribe. Ban mira si Covid lo permiti e proyecto start na 2022. Na Hulanda, sigur lo por recomenda un ‘vakantie na laman’, na e parti di Reino Hulandes den Caribe…
![](https://focus.aw/wp-content/uploads/2021/08/Straatportret-schilderen-1024x724.jpg)