Despues di gana e titulo di Mister Supranational 2021, Varo Vargas, ta den spotlight internacionalmente. Su nomber ta Álvaro Vargas Rueckner y el a cumpli 31 aña na mei. Den su tempo liber e ta hunga futbol, medita, canta y compone cancion. E ultimo aki ta un di su actividadnan faborito y ya e ta buscando pa haci un carera den e industria musical. Su amor pa musica ta bin for di su cas, ya cu su mama tambe ta canta y el a crece skuchando su omo, e tenor peruano reconoci Juan Diego Flórez. Na final di 2017, Varo a forma un duo urbano hunto cu e artista Franco Chiesa, -‘Varo y Chiesa’- y nan a presenta na diferente festival. Sin embargo, el a pone un pauze na cantamento pa logra su soño pa conkista e titulo di Mister Supranational.
Segun e website di e concurso cu si Varo Vargas gana, e lo desea pa push su talento como cantante di manera internacional cu e temanan y stem cu por inspira e hendenan. Si e pandemia a duna y ta sigui duna nos e lesnan di bida, e modelo ta spera di comparti e enseñansanan aki cu mundo ‘pa nos biba feliz den e temponan dificil’. Apart di modelo y cantante, Varo Vargas, tambe ta influencer. Su rednan social ta conta cu mas di 86 mil seguido y ta comparti su actividadnan tanto den musica como e obranan social y tambe el a mustra su preparacion pa conkista e titulo di Mister Supranational 2021.
