E di dies album asina anticipa, Donda, di e rapero a keda oficialmente lansa dia 29 di augustus, despues di hopi retraso door di Kanye West, y awo mundo porfin por scucha esaki. Tabata spera e album su lansamento riba 9 di augustus 2021, pero su fecha di lansamento a retrasa atrobe. E manager di West, Bu Thiam, a bisa cu West lo lansa su album despues di su evento na Chicago riba diahuebs 26 di augustus.
Donda ta oficialmente obtenibel riba tur plataforma streaming, entre otro pa menciona algun spotify y Apple Music. E di 10 album di Kanye West su titulo ta un tributo na su difunto mama, Donda West, cu a fayece 14 aña pasa. Tabatin algun speculacion di su fanaticonan cu su album nobo lo conta cu e cancionnan di Kim Kardashian.
Kanye no ta parce cla pa desacredita publicamente e mama di su yiunan, su cancion Welcome to my Life, Kanye a repasa su ultimo dos añanan cu tabata hopi dificil, cu a inclui e raptero su kiebro cu e Reality TV Star. Donda no ta inclui su single lansa recientemente, Wash Us In The Blood, pero New Body a ser inclui. Un cancion cu Nicki Minaj y Ty Dolla $ign cual ta destina pa aparece den su album anterior, pero a ser saca for di esaki.
Cambio di nomber
Den un peticion den e corte Superior di Los Angeles riba 11 di augustus, pero a ser presenta riba diamars 24 di augustus, Kanye West a presenta un solicitud pa cambia legalmente su nomber di Kanye Omari West pa Ye, pronuncia ‘Yay’. E peticion di West no ta inclui un segundo nomber of fam. West, conoci pa pusha su propio agenda, a pone e cambio di esaki bou di ‘rasonnan personal’.
Si e ser aproba, e lo uni na e filanan di e musiconan manera Prince, cu a cambia su nomber legalmente na un simbolo conoci como e ‘simbolo di amor’ na 1993. Prince a splica mas despues cu e maniobra tabatin e intencion pa ‘outsmart’ su contracto cu Warner Bros, cu el a afirma y cu tin e derechonan riba su nomber. Un huez ainda tin cu aproba e solicitud di Kanye prome cu e haci e traspaso oficialmente legal.
