Mientras mundo henter tabata duna bonbini na Aña 2022 cu klapchi, vuurwerk y celebracion, apesar di e circunstancianan actual, e streanan di Hollywood tambe a comparti e detayenan di algun di nan propio celebracionnan.
Miley Cyrus & Pete Davidson
Miley Cyrus y Pete Davidson a presenta un special riba television na Miami, y Miley a publica varios imagen di nan ta haci joke y pasando pret den e ensayonan prome cu e evento. Awo cu nos sa cu Davidson ta saliendo cu Kim Kardashian, tabatin rumor cu e strea di ‘reality TV’ lo a haci un aparicion cortico den e show, pero parce cu e no a aparece durante e programa.
Heidi Klum
Ta bon conoci cu Heidi Klum tin un amor pa fiesta y celebracion, el a comparti hopi potret di su celebracionnan di Pasco di su famia. Pa Aña Nobo e modelo a bay riba su rednan social pa comparti un gif di dje lagando un canon di glitter los, cu e caption :”Here’s to 2022”.
Rebel Wilson
E comediante, actriz y escritora Australiano, Rebel Wilson, a comparti un potret cu su siguidonan riba su instagram di un fiesta, cu e tabata presente. Cu un bisti bronze y posando banda di un pool Wilson ta manda: “Love from down under”. Ora cu mey anochi a yega, Wilson a bisti un hoodie geel mas relaha, y e tabata riba un boto den Sydney Harbour, cu un fondo di e famoso klapchinan di Aña Nobo di waterway.
Demi Moore
E actriz di ‘Ghost’ Demi Moore a celebra 2022 den un ambiente cozy y comodamente den un scenario ‘snowy’. E actriz a comparti un potret di Aña Nobo den un jersey festivo. Riba un di e potretnan cu el a comparti, e ta mustra relaha den pijama cu su famia y amistadnan den un lounge.
