Michaela Jaé Rodriguez a ricibi su reconocimento como e miho actuacion pa un actriz di television, pa su rol como e figura materno den un serie di drama como Blanca, den e tercer y ultimo temporada di FX series. Y cu su triunfo, el a bira e prome actriz trans cu ta gana un Golden Globe importante den actuacion.
“Esaki ta e porta cu lo bay habri e porta pa hopi hoben talentoso”, Rodriguez a skirbi riba Instagram. “Nan lo mira cu mas ta posibel. Nan lo mira un Black Latina girl hoben di Newark New Jersey, cu tabatin un soño, pa cambia e mentalidad di otronan CU AMOR, AMOR TA GANA”. El continua bisando na su LGBTQAI babies cu NAN TA AKI, e porta ta habri awo pa alcansa e streanan.
Golden Globe di e aña aki tabata un asunto silencioso: NBC a nenga di transmiti e premiacion despues cu Los Angeles Times su informenan a revela un falta di diversidad den Hollywood Foreign Press Association, cu ta otorga e premionan, y nan a haci preguntanan etico relaciona cu e beneficionan financiero.
