Den un video cu un mensahe hopi emotivo na su fans publica riba Instagram, Adele a disculpa y bisa cu su ekipo a purba absolutamente tur cos cu ta posibel pa pone e show na tempo y cu ta suficiente bon, pero cu e retrasonan di entrega y Covid nan a keda destrui completamente.
El a bisa cu e ta hopi sorry, pero su show no ta cla y cu mitar di su crew, e mitar di su ekipo ta malo cu Covid. Cu ainda nan ta malo y tabata imposibel pa finalisa e show. Y e no por duna loke e tin e momento aki y ta destrui. E serie di show na The Colosseum na Caesars Palace tabata poni pa cuminsa diabierna y continua te 16 di april. E ticketnan tabata disponibel for di december cu un record den benta.
Despues di a graba su mensahe, e superstar a bay inmediatamente den brasanan di su pareha, sin perde mas tempo na Sin City. Dos ora despues di a comparti e noticia cu mundo cu su show no ta cla pa presenta na e publico, e cantante ya tabata na cas di Rich Paul na Beverly Hills. Adele a subi un avion di Caesars Palace pa sali di e ciudad cu a converti den su nachtmerrie.
