Julia Fox ta revelando mas detaye di su romance cu Kanye West. E actriz di 32 aña a papia tocante di e critica cu el a haya despues di tabata cu e rapper, den un entrevista cu The New York Times, cu a wordo publica ayera. “E no ta real”: Fox a bisa. “Esaki ta pasando solamente riba internet. Ami no ta ocupa dunando atencion na esaki. Mi no ta sintie. Ainda mi ta 1000 porciento mi mes. Nada a cambia, excepto cu ya, mi lo bisa, ora bo ta rond di Kanye e ta manera un ‘crash course’ con pa comporta bo mes manera un persona famoso”.

E pareha a conoce otro na Miami riba un Aña Nobo, y riba dia di San Valentin nan a termina nan relacion. Un representante di PEOPLE Magazine a confirma den un comunicado cu Julia y Kanye ainda ta bon amigo, pero nan no ta hunto mas. Fox a conta den e entrevista cu el a haci su esfuerso pa e relacion por traha, pero con e por fit un personalidad asina grandi den su bida cu ta yen caba? E no tabata sostenibel. El a perde alrededor di 15 liber e luna ey.

Ora nan a puntra den e entrevista si nan relacion tabata un triki publicitario, el a responde: “Definitivamente tabatin aspecto di dje cu tabata real”. El a bisa cu el a sinti cu e tabata su pareha, pero tambe a sinti cu el a ser eligi den e rol di ta su pareha. E tabata esun cu a organisa tur cos y tabata sinti manera e tabata den un pelicula.

A pesar cu el a separa di West of manera e ta yame, “the ultimate stunt queen”, Fox a conta cu e no ta preocupa si Kanye ta duna e detayenan di nan romance. E no ta kere cu e kier habri e porta ey cu ne. En cambio, Fox a bisa cu el a conoce Kanye ora e tabata ‘cla pa bolbe bek den sociedad’ despues cu el a haya su yiu Valentino na 2020.  Julia Fox a agrega ‘look at the big picture’. Apesar di tur cos tin speransa cu eventualmente e lo supera tur cos. El a finalisa bisando cu kier of no, Kanye no ta e cos mas interesante cu a yega di pasa cu ne.

LEAVE A REPLY

Please enter your comment!
Please enter your name here