Cabey saludabel ta ser mira generalmente como un señal di beyesa y hubentud, pero ora bo tin cabey fuerte y abundante ta un refleho tambe, cu tur cos den e parti interior di e curpa ta bon. Probablemente bo a scucha e frase: “Beyesa ta cuminsa di paden”. Aunke e perdida di cabey ta totalmente normal mientras nos ta birando mas bieu, pero si ripara cu e ta cay mas cu normal, ta posibel cu e tin di haci cu bo dieta.
Den edicion di Focus Digital Magazine di maart ta elabora riba algun alimento cu mester evita pa mantene bo cabey saludabel. Entre e ‘7 alimentonan’ aki tin cuminda vet, sea cu ta galiña hasa, pisca hasa of batata hasa, tur e cumindanan vet y un cabey bunita no ta bay hunto. E siguiente ta refresco di diet, aunke kisas bo por pensa cu bo ta haciendo un fabor na bo curpa bebiendo refresco di diet of ‘sugar-free’, pero no laga nan gaña bo.
Lesa mas di e diferente alimentonan cu mester evita den edicion di maart, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
