Ta hopi importante pa inclui vegetal den bo dieta diario. E vegetalnan ta rico den antioxidante y e nutrientenan cu ta boost bo salud! E vegetalnan tambe ta ‘low calorie’, kiermen nan ta fantastico pa come ora di baha peso. Tin hende ta haya vegetal laf pa come of no sa con pa cushina nan na un manera dushi.

1. CHIPS DI VEGETAL

Si bo tin deseo di come chips, pero cu menos vet y sodium, esaki ta e receta pa bo!

Por uza varios vegetal pa haci ‘veggie chips’ manera:

●         Batata Dushi

●         Zucchini

●         Biet

●         Kale

Pa haya chips hopi crispy, mester corta e vegetal hopi fini. Por cort’e cu un cuchiu of cu un mandolina, pa e chips keda fini. Ta pone un tiki azeta di oleifi y ta agrega e condimentonan desea. Por cushina e vegetal den airfryer, forno of den microwave mes.

2. LETTUCE WRAP/VEGGIE BUN

Bo por uza lechuga manera un wrap y pa un veggie bun por uza e vegetalnan manera: champignon, batata dushi, berehein y tomati. Un dia cu bo no tin gana di come pan of bo ta riba un low-carb diet, esakinan ta un bon opcion. Por prepara wraps di lechuga cu diferente reyeno, por trah’e di galiña, carni, tofu of berdura. Wraps di lechuga of ‘buns’ di vegetal ta un manera facil pa reduci e consumo di caloria. Un lechuga tin 1-4 caloria, mientras pan blanco tin hopi mas. Por haci:

●         Wrap di lechuga cu galiña

●         Lettuce wrap cu tuna

●         Aberjein grill cu carni of galiña

3. VEGETAL CU REYENO

Bo por uza diferente vegetal na un manera creativo y dushi pa pone reyeno aden. Por ehempel, por uza:

●         Zucchini

●         Berehein

●         Tomati

●         Bell Pepper

Pa trah’e, bo ta corta e vegetal den mitar y ta pone aden sea cu ta e carni, bonchi, aros y su condimentonan.  Despues ta horn’e den forno. Si bo ta desea di aumenta bo consumo di berdura, tambe por uza e vegetalnan manera wortel, cauliflower y spinashi como reyeno.

4. VEGGIE NOODLES

Si bo tin un spiralizer, ta hopi facil pa traha veggie noodles! E ta un manera great pa haya mas vegetal den bo dieet. Tambe, e ta un substitucion low-carb pa pasta. Por haci veggie noodles cu diferente sorto di berdura manera:

●         Wortel

●         Zucchini

●         Batata Dushi

Ora e noodles ta cla, por come manera un pasta combina cu diferente saus, vegetal of carni.

5. OMELET DI BERDURA

E desayuno ta e cuminda mas importante di e dia. Pues ta great pa cumins’e cu un veggie omelet!

Por pone diferente vegetal den e omelet cu lo smaak fantastico. Un opcion popular ta spinashi, tomati y onion. Tambe por agrega bell pepper, mushroom y cilantro.

LEAVE A REPLY

Please enter your comment!
Please enter your name here