Hopi cora tabata den exhibicion ora e invitadonan a yega Dolby Theatre na Hollywood, Los Angeles pa Oscar Awards 2022. Kristen Dunst, Amy Forsyth y e ganadora di Best Supporting Actress, Ariana DeBose, tabata entre e invitadonan cu a impresiona den e tononan no hopi diferente cu esun di e tapijt mes.
![](https://focus.aw/wp-content/uploads/2022/03/kirsten-dunst--679x1024.jpg)
![](https://focus.aw/wp-content/uploads/2022/03/Amy-Forsyth--702x1024.jpg)
![](https://focus.aw/wp-content/uploads/2022/03/Ariana-DeBose--701x1024.jpg)
Despues di e evento cu capacidad limita aña pasa, diadomingo anochi e Academy Awards a bolbe cu tur su forsa. E red carpet a mustra tambe algo parecido manera den su miho glamour. Entre e looks mas dramatico tabata e shimis color esmeralda di Jean Paul Gautier cu Jada Pinkett Smith a luci. E shimis tambe di Maggie Gyllenhaal den diseño estilo columna structura teatralmente pa Schiaparelli y dorna cu blachi oro y cristal.
![](https://i0.wp.com/focus.aw/wp-content/uploads/2022/03/jada-pinkett-smith--1024x904.jpeg?ssl=1)
![](https://i0.wp.com/focus.aw/wp-content/uploads/2022/03/Maggie-Gyllenhaal-711x1024.jpg?ssl=1)
Sinembargo, e ceremonia di Oscar a mantene su reputacion como e evento di entrega di premio cu mas elegancia di Hollywood, y varios di e streanan miho bisti di e anochi a opta pa e glamour clasico. Rachel Zegler a impresiona cu un elegante shimis preto largo y e ganadora como miho actriz Jessica Chastain a bisti un shimis cu ta lombra den dos tono: brons y lavender. Mientras cu otro streanan a bisti den oro y plata, desde Lupita Nyong’o cu un shimis di Prada ta na Zendaya, cu un shimis di dos piesa di Valentino.
![](https://focus.aw/wp-content/uploads/2022/03/rachel-zegler-oscars-2022_32.png)
![](https://focus.aw/wp-content/uploads/2022/03/jessica-chastain1.jpeg)
![](https://focus.aw/wp-content/uploads/2022/03/Lupita-Nyongo-.jpeg)
![](https://focus.aw/wp-content/uploads/2022/03/Zendaya-682x1024.png)