Proteina ta e ‘building blocks’ di e componentenan basico di e organonan, musculo, cuero y hormona. E curpa mester proteina pa mantene y repara e tehidonan. Diferente estudio ta mustra cu un dieet cu hopi proteina por yuda cu bahamento di peso y vet abdominal, mientras tambe e ta aumenta e cantidad y forsa muscular. Un dieet rico den proteina tambe por yuda reduci presion halto y mas. Nos ta wak cu e tin hopi beneficio pa nos curpa, pues ta importante pa come!
‘Chicken Breast’
Esun mas conoci ta pecho di galiña. Si bo ta come sin e cuero, mayoria di su calorianan ta bin fo’i proteina. Pecho di galiña ta facil pa cushina y hopi versatil. E por tin un sabor delicioso den un variedad di plato. Por ehempel por traha salada di galiña, curry chicken, shawarma chicken y sopi. Un pecho di galiña tin 53 gram di proteina!
‘Shrimp’
Shrimp ta un tipo di marisco. E ta abou den caloria pero rico den nutriente, incluyendo selenio y vitamina B12. Mescos cu pisca, shrimp ta contene omega-3.
Rond 97% di e calorianan di shrimp ta bin di proteina! Un porcion di 3 ons ta contene 20 gram di proteina y 84 caloria so. Por traha un variacion di plato cu shrimp, por ehempel; shrimp taco, shrimp stir-fry cu honing y conoflok, shrimp lettuce wrap y shrimp risotto.
‘Pinda’
Pinda ta yen di fibra, magnesium y proteina. Tin estudio cu ta mustra cu e consumo di pinda por yuda hende baha peso. Pindakaas tambe ta rico den proteina, pero tambe e ta halto den caloria, pues esaki mester wordo consumi den moderacion. Un ons di pinda tin 7gram di proteina! Por traha un sandwich di pindakaas cu jelly, por agrega pinda den stir-fry y salada of por come riba su mes manera un tussen-doortje.
‘Broccoli’
Broccoli ta un berdura saludabel cu ta yen di nutriente manera vitamina C, vitamina K, fibra y potassium. Caloria pa caloria, e ta halto den proteina compara cu tur otro berdura.
Un copi di broccoli tin 3 gram di proteina. Tin diferente manera pa agrega e berdura aki den bo dieet, por haci un salada cu ne, tambe bo por pone den pasta y adicionalmente por haci un quiche di broccoli y keshi.
