Un noticia cu a capta tur atencion den e mundo di beyesa internacional ta di e magnate Tailandes, cu a cumpra Miss Universe Organization pa 20 miyon dollar. Anne Jakkaphong Jakrajutatip ta un defensor di e derechonan di e personanan transgender y ta CEO di JKN Global Group PCL. Aunke kisas e ta mas conoci pa su rol den e versionnan tailandes di reality shows incluyendo ‘Project Runway’.

Segun un comunicado di JKN Global Group e empresa a adkiri e derechonan di e certamen di Miss Universo for di IMG Worldwide LLC, cu sede na New York, un compania de mercadeo di deporte, talento y evento, encarga di concurso desde 2015. Den e comunicado di prensa JKN Global Group a informa cu nan ta planea pa expande Miss Universe Organization den Aisa y lansa productonan nobo incluyendo cuido di cutis, cosmetico, productonan di estilo di bida, suplementonan dietetico y bebidanan.

Jakkaphong a bisa cu e compania ta increiblemente honra di realisa e adkisicion. Nan lo no busca solamente pa continua cu e legado di brinda un plataforma na e personanan apasiona di diverso origen, cultura y tradicion, sino tambe evoluciona e marca pa e proximo generacion. E compra ta converti Anne Jakkaphong Jakrajutatip den e prome muhe propietario di Miss Universe Organization, segun e comunicado di prensa di JKN. E concurso di beyesa di Miss Universe ta un di e certamennan mas mira di mundo y ta ser realisa desde 1952.

Manera hopi otro concursonan di beyesa importante, mester a tene na cuenta e demanda creciente di e publico pa mas diversidad, representacion y inclusion durante e ultimo decada. Nan a kita e prohibicion pa e concursantenan transgender na 2012, despues cu un concursante di Canada a menasa di tuma accion legal ora nan a bise cu e lo ser descualifica door di su sexo asigna ora el a nace. Ainda tin algun hende ta argumenta cu e base di un concurso di beyesea ta defectuoso mientras cu otro ta bisa cu tabatin un progreso significativo den ultimo añanan.

LEAVE A REPLY

Please enter your comment!
Please enter your name here