E certamen di Miss Universe 2022 ta tuma luga diasabra 14 di januari na New Orleans Morial Convention Center na New Orleans, Louisiana, sinembargo ya tin varios ‘missologo’ ta comentando cua ta e posibel ganadoranan di e 71 certamen di beyesa, cu ta wordo considera como esun di mas importante internacionalmente. – Kico ta significa ser un ‘missologo’? – E ‘missologonan’ ta esunnan encarga pa brinda e publico a traves di nan rednan social, blogs, programanan di television of canalnan di Youtube, informacion interesante di e concursantenan di e certamennan di beyesa.
E aña aki tin un missologo cu ta haci su debut riba e plataforma di beyesa internacional, cu tin un trayectoria largo den e mundo aki. E personahe conoci como Endy Croes ta ricibiendo hopi acogida cu ‘30-Days MISS UNIVERSE Coverage by Endy’. Como missologo e por para tras di loke e ta papia a base di experiencia propio, dunando un toke diferente compara cu e otronan. Como missologo di Aruba y Caribe, e lo percura pa duna extra atencion na Miss Aruba y tambe Miss Curaçao, mirando cu mayoria missologo ta sea Asiatico of Latino, pues resaltando y apoyando nan respectivo candidatanan.
Den e entrevista cu Endy Croes den Focus Digital Magazine di januari, e ta bisa cu no ta comun cu un missologo tin experiencia como National Director pa Miss Universe, ta un preparador di reina activo den e mundo di beyesa, ta diseña, haci cabey y make-up pareu. Mayoria di Missologo ta simplemente duna comentario riba e topico di Miss. Lesa e entrevista completo cu Endy Croes y haya sa cua paisnan ta den su ‘ranking final’ pa e corona Miss Universe 2022.
