Jennifer ta trahando como un Senior Corporate Controller na Amcor, e compania multinacional mas grandi na Suisa, cu ta produci pakete pa diferente sector manera cuminda, medicina y tabaco. E ta revisa e parti financiero di un division pa haci analisis y wak si e compania ta ‘meet’ su presupuesto y obhetivonan financiero. Si lo a puntra Jennifer tempo e tabata studiando na cua pais e lo kier bay traha, riba su lista e no tabatin Suisa niun momento, pero e ta bisa ‘by luck of chance’ el a yega eynan

Despues di a caba VWO na Colegio Arubano, Jennifer a bay studia na Hulanda y a obtene su Bachelor den Bedrijfseconomie na Erasmus Universiteit na Rotterdam. E estudio tabata basta amplio y a duna oportunidad pa Jennifer haya conocemento den diferente aspecto, por ehempel con nos economia ta hinca den otro y cua ta tur e factornan cu ta hunga un rol den maneha un organisacion. E tabata haya interesante pa analisa ‘financial statements’ di companianan y con esey ta aporta na nan strategia.

Despues di a caba su Bachelor, el a dicidi di continua pa haci un Master den ‘Financial Economics’. Jennifer a bay durante su Master haci un stage na Washington DC na e embahada Hulandes y eynan el a cera amistad cu un mucha muhe di Uruguay, cu el a keda den contact cu ne ora el a regresa Hulanda. E ta e persona cu a bis’e: “Dicon bo no ta aplica na Zurich, eynan tin un hopi bon calidad di bida”. Awendia ora e wak bek e ta conclui cu si e no a haci e stage na Washington DC, e no lo ta eherciendo su carera profesional na Suisa.

Lesa e entrevista di Jennifer Lopez cu ta duna entre otro su opinion di kico a yud’e mas pa haci un carera como hende muhe. Focus Digital Magazine di maart ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).

LEAVE A REPLY

Please enter your comment!
Please enter your name here