![](https://focus.aw/wp-content/uploads/2023/07/Cover-Focus-Digital-3062-586x1024.jpg)
Su creatividad, pasion, vision y profesionalismo a posiciona Kuro como un di e fotografonan hoben mas destaca na Aruba. Su trabou fotografico por a ser mira tambe riba algun portada di Focus, cu semper a resalta pa su estilo propio di crea potretnan unico. E biaha aki Kuro mes ta riba e portada contando na e punto di su bida cu el a yega actualmente, unda e kier a haci algo otro y mas cu djis fotografia.
![](https://focus.aw/wp-content/uploads/2023/07/kuro-IMG_8326-1-683x1024.jpg)
Kuro kier a enfoca riba su mesun emocionnan y door di e sentimento aki, e motivacion a surgi pa e skirbi un autobiografia. El a inicia oficialmente cu su buki ‘Through the eyes of a thousand souls’ aña pasa na october y lo haci e lansamento den luna di augustus. Contando un poco di su buki e ta bisa cu e parti mas dificil pa rebiba pa skirbi su autobiografia ta definitivamente e cosnan cu el a pasa aden algun aña pasa.
![](https://focus.aw/wp-content/uploads/2023/07/kuro-IMG_8326-22-684x1024.jpg)
![](https://focus.aw/wp-content/uploads/2023/07/cover-272-652x1024.jpg)
![](https://focus.aw/wp-content/uploads/2023/07/cover-288-652x1024.jpg)
![](https://focus.aw/wp-content/uploads/2023/07/cover-290-652x1024.jpg)
E ta kere den su caso, e cosnan cu el a pasa aden na grandi tabatin un impacto hopi mas fuerte cu e cosnan cu el a pasa como mucha. Kuro ta revela den Focus Digital Magazine di juli di e hendenan cu tabata rond dje solamente pa nan beneficio. E tabata na un punto abou den su bida y ta conta con el a logra sali dilanti y kere den su mes.
![](https://focus.aw/wp-content/uploads/2023/07/kuro-IMG_8326-2-683x1024.jpg)
Den Focus Digital Magazine di e luna aki por lesa mas di e storia di bida di Kuro. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).