E comunidad di Aruba conoce e socionan di PKF-Aruba, Edsel Lopez y Herbert van Elferen, como accountants cual ta e trabou cu nan a desplega pa hopi aña. Recientemente nan a expande nan horizonte envolviendo nan mas den e parti di consultancy financiero, manera corporate finance, cu ta encera calculacion di balor di un compania, asisti ora di compra y benta di un compania, refinanciamento di compania, exit planning pa doñonan cu ta pensa di bende nan empresa den futuro, pero tambe otro tipo di servicionan manera asistencia na supervisory boards y CEO’s y CFO’s, interim management, asistencia cu internal audit, risk management y corporate governance, y traha business plans, feasibility studies y financial projections.
CON PKF-ARUBA TA DIFERENCIA FOR DI OTRO COMPANIANAN SIMILAR
PKF-Aruba ta un boutique-style financial consultancy firm, cu hopi aña di experiencia den e sector financiero, cual ta duna nan un bista amplio riba e panorama financiero di Aruba, pero tambe di Dutch Caribbean. Un otro aspecto di PKF-Aruba ta, cu e ta un compania unda nan ta hopi dinamico y por move rapido. Awendia tin hopi di e kantoornan grandi, cu ta mara na tur sorto di proceduranan riba un nivel global, pero cu hopi bes no ta ‘make sense’ pa un comunidad chikito manera di Aruba.
Nan ta ‘baas in eigen huis’, esey ta haci cu PKF-Aruba tin mas libertad pa scoge e ‘approach’ pa resolve e retonan cu e companianan local por confronta. Last but not least, nan ta hopi excita cu nan firm nobo, cu hopi energia, bon vibe y cu un cultura abierto y constructivo. Nan ta un miembro di PKF International, un red di oficina independiente, cu ta brinda nan e acceso na conocemento y expertise na nivel mundial. PKF ta conoci entre otro den e industria di turismo y hospitalidad.
Kico mas ta haci PKF-Aruba diferente? Lesa tur detaye den edicion di Focus Digital Magazine di augustus, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
