Un siman lo dura e di cuater edicion di Miss Universe Colombia, unda nan a inicia cu e actividadanan mainta na “Puerta de Oro de Colombia”, ora e candidatanan a ser ricibi cu un fiesta estilo di Carnaval de Barranquilla. Ta eligi e Colombiana a atraves di e concurso aki pa representa e pais den e proximo concurso di beyesa global: Miss Universe.
E aspirantenan lo cumpli un agenda na e capital Atlántico cu a inicia ayera y lo sigui te cu otro siman diasabra dia 2 di september, cumpliendo cu diferente evento manera esun den Parque Caribe Aventura, unda lo realisa e desfile di trahe di baño, cu den e certamen di beyesa ta determinante.
Diadomingo e candidatanan lo conoce y recore e Museo del Carnaval de Barranquilla, unda e actual Reina di Carnaval, Natalia de Castro González, lo ta pa inicia un siman cu un serie di evento organisa pa e patrocinadornan principal di e certamen, cu un cena cu e huradonan dia 31 di augustus y e dia siguiente ta e entrevista.
Diabierna prome di september lo tin e competencia preliminar, na caminda pa e eleccion y coronacion di Miss Universe Colombia, cu ta tuma luga dia 2 na Centro de Convenciones Puerta de Oro, unda lo corona e sucesora di María Fernanda Aristizábal.
