E tendencianan tanto den arkitectura como diseño di interior di momento y cu por mira cada bes mas fuerte ta e sensacion di trece e exterior den e interior y cu e ta sostenibel cu e medio ambiente. E conexion cu kier logra cu naturalesa ta cu elementonan manera mata, luz natural y materialnan natural. E materialnan mester trece y transmiti e sensacion natural of cu por lo menos ta parce naturalesa, cu mester crea un ambiente ambiental saludabel y ekilibra.
Esaki por mira den e diseñonan di e arkitecto Colombiano, Simon Tobon, cu tin su empresa CONCEPTO 29 na Medellin. Entre e consehonan cu Simon ta comparti den Focus Digital Magazine ta cu apart di e tendencianan ta mas importante pa sa con refleha y integra den un diseño e tendencia den relacion cu e cliente.
Un don’t den diseño di interior segun Simon Tobon ta no compronde e cliente pa crea un espacio exclusivamente den tendencia y cu no ta refleha un personalidad. Ta semper hopi importante tin hopi cla cu mester diseña pa un usuario cu ta bay habita e espacio ey, y cada bes cu e habri e porta e mester bisa: “WOW esaki ta mi hogar”.
Focus Digital Magazine di november ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
