Kitten Heels ta haciendo un gran comeback y ta dominando e escena riba caya. Cu nan haltura di hilchi modesto di tres pa cinco centimeter, nan ta ofrece e combinacion perfecto di comodidad y elegancia. Sea bo ta combin’e cu jeans baggy of un saya midi chic, e ta un sapato ideal pa cana suave y cu estilo.
Tiffany Blue
E diseñadornan ta encanta uza e color blauw-berde fresco aki pa tas, shimis y acesorio. Loke a cuminsa como e color di un caha di joyas iconico awor ta un tendencia permanente riba pasarela. Cu un toke di Tiffany Blue, semper bo ta mustra chic y cu estilo.
Cora
E no ta djis un color; cora ta un statement. Sea bo ta scoge un accento cora suave of un all-red look, bo ta transmiti confiansa y energia instantaneo. Bo ta nervioso pa bisti e color briyante aki? No worry! Cu e tipnan simpel cu bo ta haya den Instyle, bo ta comosifuera di a sali for di un pasarela.
Sea bo ta mesclando color, textura, kibrando reglanan of descubriendo bo silueta caracteristico, corda cu moda no ta tocante di sigui tur tendencia, pero pa sa di bisti cu proposito y biba bunita. Den Focus Digital Magazine e fashionista, Swesdy Beeldsnijder, ta trece den su segmento mensual “InStyle” loke ta resalta riba e escenario di moda globalmente. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
