Un comedor bon diseña no ta depende unicamente di tin un mesa costoso of stoelnan di diseñador. Hopi biaha, e diferencia ta den e proporcionnan, e iluminacion y e detayenan cu ta acompaña e mesa. Cambionan chikito cu por transforma bo comedor sin necesidad di remodela. Si bo ta sinti cu bo comedor “ta faltando algo”, prome cu bo pensa di cambia tur cos, revisa dos di e cinco puntonan clave aki.
E prome di e cinco clavenan ta e lampi cu ta defini e espacio. Un bon lampi colga ta yuda defini visualmente e comedor, specialmente ora e ta forma parti di un concepto habri cu e sala y cushina. En bes di depende unicamente di un luz pega na e plafond, un lampi cu ta colga ta crea un punto focal y ta duna e impresion cu e mesa ta poni intencionalmente.
E di dos ta e tapijt cu mester acompaña e mesa pa esaki no keda abou di dje. Un di e erornan mas frecuente ta scoge un tapijt demasiado chikito. E regla general ta simpel: Ora bo hala e stoel pa sinta, e pianan mester keda riba e tapijt. Scoge un tamaño cu ta extende aproximadamente 60 cm alrededor di e mesa. Esaki ta yuda cu e mesa, stoelnan y tapijt ta mustra visualmente como un solo composicion.
Un comedor elegante no necesariamente tin mas cos. E tin e cosnan corecto den e escala corecto y na e luga corecto. Haya sa cua ta e otro tres clavenan den Focus Digital Magazine di september, cu ilustracion y tips di Rayon y Dalia Semeleer di Dalia Design Studio. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
