E belanan perfuma ta un di e luhonan simpel di posee of ricibi. Un bela por significa un miyon di cos diferente pa cualkier persona. Bo kier perde den un lama di fragancia suave y sutil, cu ta laga bo sinti completamente relaha? Cende un Bela! Bo kier sinti energetico cu e notanan vigorizante di azahar? Cende un Bela! Of kisas bo ta buscando pa añadi algo nobo na bo hogar cu ta bisa #instagoals, cu e bonus di un holor totalmente maraviyoso? Cende un Bela! Kisas bo ta e persona cu gusta duna e miho regalonan? Ademas cu bela ta un bon regalo pa e amigo cu ta difícil pa cumpra algo p’e, bo por ta sigur cu un bela esplendidamente perfuma lo encanta cualkier amigo of ser keri. Bo lo djis sinti bo great di wak con nan lo habri nan regalo nobo faborito, uno pa sinti y encanta… y incluso por uza esaki despues como un brush holder of un potchi di mata.
TIPS
• Laga e bela cendi durante dos hora e prome biaha cu uza esaki, pa asina laga e capa ariba di wax dirti completo.
• Pa e bela dura mas tempo mester evita pa pone den un lugar unda tin coriente di aire, ya cu asina e ta caba mas lihe.
• Corta e mecha paso mas largo e ta, mas lihe e ta kima y percura pa e no ta mas largo cu un par di millimeter, mesun largo ora e ta nobo.
• Ademas di corta e mecha mester bolbe pone memey despues di paga e bela ora cu wax ta likido ainda, pa evita e move y haci e glas preto.
• Haci e glas limpi si e bira preto cu un cotton pad muha cu awa lauw y habon y sigura cu e glas ta seco prome cu cende e bela bek.
• Laga e bela cu su tapa ora no ta uze pa stof no pega riba e wax, y pa kita e stof por uza un paña di catuna humedo.
