Bo ta fanatico di olive green Si ta asina, e ora mi ta mas cu contento pa mustra bo con bo por luci den trend di moda cu olive green. Kico e ta nifica pa nos pa e aña aki? Tur cos ta draai riba e libertad di escogencia. Ta trata di e look militar, laidback, cu por combina tambe cu bo uzo basico diario. Con e ta funciona?
Bo por simpelmente bisti un cargojack kaki y combin’e cu un jeans y un T-shirt strepia. Asina facil e ta! Percura pa bo bisti solamente e pañanan cu bo ta sinti bo comodo cu ne.
Instyle Focus ta papia tocante trends di sapato pa aña nobo 2019. Boots te enkel ta un “must”. Sapato blanco ta trendy. Lesa tur cos bon tocante sapato y boots te enkel pa e temporada aki. Pa loke ta trata color di sapato, mi lo bisa; blanco. Na mesun momento, sapato blanco ta den ultimo instancia, poco practico. Sapato blanco ta algo cu hopi hende, ainda, tin un tipo di asociacion straño cu ne y esey ta algo cu ta origina for di e añanan 80 y 90. Pero esey no kiermen cu bo no mester purb’e.
Bruin ta completamente hot den e aña nobo aki y e tononan di bruin ta mas bunita cu nunca. Un sinfin di tono di bruin, cuminsando for di cla te scur. Cu bruin bo por combina tur cos. Por bisa cu bruin ta e preto nobo.
Cu sombra di wowo, bo por haci bo makeup mas briyante. Scoge pa un sombra di wowo den e tononan sigur di nude of bo ta bay cu un color mas yamativo? Bo no lo kere, e temporada di fiesta di fin di aña a pasa, pero nos ta den ambiente di Carnaval. Pues e mihor makeup ‘must have’ ta sombra di wowo glitter. Pura busca esun di bo, prome cu nan keda ‘sold out’.
