Siguramente algun biaha bo a puntra bo mes: Kico e muhernan aki ta haci pa no bira gordo? Prome cos cu lo bin na mente ta, cu nan no ta come, mientras esey ta e pio cos. P’esey nos ta menciona kico ta e cosnan cu realmente e muhernan ta haci pa no bira gordo. Esaki ta loke bo tin cu haci:
Ehercicio:
Ta recomenda realisa 30 minuut diario di actividad fisico of por lo menos 3 biaha pa siman. E calorianan extra cu nos ta consumi pa dia, ta elimina cu ehercicio cardiovascular manera core of cana. Mester sigui si e protocol tocante ehercicio durante e crisis di coronavirus.
Likido:
Pa logra mantene bo figura, bo mester bebe awa. E cantidad recomenda ta e balor di bo peso corporal dividi entre 2. No necesariamente mester ta awa puro, tambe infusion di te di bo sabor di preferencia ta un bon opcion.
No stres:
Ora bo ta gestres, bo curpa ta produci cortisol, cu ta provoca subimento di peso. P’esey evita cualkier tipo di situacion, cu ta genera stres of ansiedad; bo curpa ta gradici bo.
No come despues di 6or:
No precisamente nos ta referi pa no come nada, sino e cantidad y contenido calorico di alimento.
Come 6 biaha pa dia:
Ora come mas di 3 biaha pa dia, metabolismo ta acelera y no ta permiti pa bo subi di peso. Fruta of noot 3 of 4 ora ta recomendabel.
