![](https://focus.aw/wp-content/uploads/2022/05/Miss-Mexicana-Universal-2022-2-819x1024.jpeg)
Riba e escenario di Centro de Convenciones di San Luis Potosí a competi 31 candidata pa busca e corona di Mexicana Universal 2022. E ganadora a resulta Irma Cristina Miranda Valenzuela, un presentadora de television mexicano y reina di beyesa, cu a nace y crece na e Ciudad Obregon, Cajeme, Sonora, Mexico. Un momento emocionante di diasabra anochi tabata ora cu a aparece riba e escenario e tres Miss Universo Mexicano: Lupita Jones, Ximena Navarrete y Andrea Meza, cu pa prome biaha a reuni den publico.
![](https://focus.aw/wp-content/uploads/2022/05/Miss-Mexicana-Universal-2022-5-832x1024.jpeg)
![](https://focus.aw/wp-content/uploads/2022/05/Miss-Mexicana-Universal-2022-6.jpeg)
![](https://focus.aw/wp-content/uploads/2022/05/Miss-Mexicana-Universal-2022-7-1012x1024.jpeg)
Despues di a presenta den badpak y trahe di gala, a scoge e top 5 cu a bira: Sonora, Guanajuato, Nuevo León, Colima y Nayarit. E cinco missnan aki a pasa den e rond di pregunta, pa scoge ken lo bira e ganadora di Mexicana Universal 2022, ademas di e representantenan pa Miss International, Reina Hispanoamericana y Nuestra Latina Universal. E huradonan tabata consisti solamente di hende muhe cu tabata reina di beyesa: Rebeca Tamez, Miss Universo Mexico 1997, Elisa Najera, 4th Runnerup Miss Universe 2008, Lorena Sevilla, Top 10 Miss International 2015, Andrea Toscano, Mexicana Universal 2018 y Prome Finalista Miss International 2019 y Andrea Bazarte, Reina Hispanoamericana 2021.
![](https://focus.aw/wp-content/uploads/2022/05/Miss-Mexicana-Universal-2022-3.jpeg)
![](https://focus.aw/wp-content/uploads/2022/05/Miss-Mexicana-Universal-2022-4-1024x1024.jpeg)
Irma Miranda Valenzuela (24) su infancia a transcuri memey di un gran ambiente familiar y den su hubentud e tabata integrante di un ballet de Danza Folklórica. Desde e tempo ey, el a participa den diferente festival pa presenta e cultura y tradicion di Sonora y di Mexico. Cu su 18 aña el a participa y gana e certamen Nuestra Belleza Sonora 2015. Un aña despues na 2016 el a competi den ‘Nuestra Belleza México’, unda el a keda na segundo luga. E plataforma a dune e oportunidad y durante un tempo el a traha den Televisa Deportes.
Mexicana Universal 2022 ta papia spaño y ingles. E ta gusta canta, baila, actua y ta 1.74 di estatura. Den un post riba su Instagram cinco dia prome cu e certamen, Irma Miranda a skirbi cu cada bes e ta mas cerca, awo e ta wak tur loke el a haci, crece y conoce den e tempo aki y ta sintie hopi satisfecho y un ganadora. “Gracias a todas las personas que se involucraron en este sueño! Los quiero mucho ✨?”